முன்கூட்டியே ஓடிடியில் வெளியாகும் கமலின் ‘தக் லைஃப்’ – என்ன காரணம் தெரியுமா?

38 ஆண்டுகளுக்குப் பிறகு மணிரத்னம் இயக்கத்தில் கமல் நடிப்பில் வெளியான படம் ‘தக் லைஃப்’. இந்தப் படத்தில் த்ரிஷா, சிம்பு, ஜோஜூ ஜார்ஜ், அசோக் செல்வன், ஐஸ்ர்யா லக்ஷ்மி உள்ளிட்ட பலர் நடித்துள்ளனர். படத்துக்கு ஏ.ஆர்.ரஹ்மான் இசையமைத்துள்ளார். படம் கடந்த ஜுன் 5-ம் தேதி திரையரங்குகளில் வெளியானது. படம் வெளியான முதல் காட்சியிலிருந்தே எதிர்மறையான விமர்சனங்கள் வெளியிடப்பட்டன. இதனால் பாக்ஸ் ஆஃபீஸில் சோபிக்கவில்லை.

இப்படத்தினை இந்தியில் மல்டிப்ளக்ஸ் திரையரங்குகளில் வெளியிட 8 வாரங்களுக்கு பின்னரே ஓடிடி வெளியீடு என்று முடிவு செய்து ஒப்பந்தம் போட்டது படக்குழு. இதனை மும்பையில் பத்திரிகையாளர் சந்திப்பிலும் உறுதிப்படுத்தினார் கமல். தற்போது படம் பெரும் தோல்வியால் இப்படத்தினை முன்னரே ஓடிடியில் வெளியிட ஃநெட்ப்ளிக்ஸ் நிறுவனம் முடிவு செய்திருக்கிறது. இது தொடர்பான பேச்சுவார்த்தையும் நடைபெற்றுள்ளதாக கூறப்படுகிறது.