ரஜினியின் கூலியை தூக்கிச் சாப்பிட்ட ‘காந்தாரா: சாப்டர் 1’

ரஜினியின் கூலி படத்தினை விட ‘காந்தாரா: சாப்டர் 1’ திரைப்படம் வசூலில் சாதனை படைத்துள்ளது.

ரிஷப் ஷெட்டி இயக்கி நடித்துள்ள படம் ‘காந்தாரா: சாப்டர் 1’. கடந்த 2022-ம் ஆண்டு வெளியாகி நாடு முழுவதும் பெரும் வரவேற்பை பெற்ற ‘காந்தாரா’ படத்தின் முன்கதையாக ‘காந்தாரா: சாப்டர் 1’ படம் வெளியாகியுள்ளது. இந்த படத்தில் ருக்மிணி வசந்த், குல்ஷன் தேவய்யா, ஜெயராம் உள்ளிட்டோர் நடித்துள்ளனர். வெளியான முதல் நாளில் இருந்தே ஏகோபித்த வரவேற்பை பெற்று வரும் இப்படம் நல்ல வசூலையும் செய்து வருகிறது.

இதுவரை உலகளவில் ரூ. 415 கோடிக்கும் மேல் இந்த படம் வசூல் செய்துள்ளது. உலகளவில் வசூல் வேட்டையை செய்து வரும் ‘காந்தாரா: சாப்டர் 1’ கேரளாவில் சத்தமில்லாமல் ஒரு சாதனையை நிகழ்த்தியுள்ளது. அதன்படி, கேரளாவில் மட்டும் இப்படம் ரூ. 26 கோடிக்கும் மேல் வசூல் செய்துள்ளது. இதன்மூலம் நடிகர் ரஜினிகாந்த் நடித்த ‘ கூலி’ படத்தின் கேரள வசூலை விட ‘காந்தாரா: சாப்டர் 1’ அதிக வசூல் செய்துள்ளது.

ஏனெனில், கேரளாவில் ‘கூலி’ திரைப்படம் ரூ. 25.5 கோடி தான் வசூல் செய்திருந்தது. தற்போது சூப்பர் ஸ்டார் ரஜினியின் பட வசூலை ரிஷப் ஷெட்டியின் ‘காந்தாரா: சாப்டர் 1’ கேரளாவில் தகர்த்துள்ளது. இப்படம் கன்னடத்தில் ரூ.76 கோடி, தமிழில் ரூ.24,75 கோடி, தெலுங்கில் ரூ.52.65 கோடி, மலையாளத்தில் ரூ.26 கோடி, இந்தியில் ரூ.82 கோடி வசூலித்துள்ளது குறிப்பிடத்தக்கது.

 

  • Related Posts

    திருச்சி காவலர் குடியிருப்பில் இளைஞர் படுகொலை…5 பேர் கைது!

    திருச்சியில் காவலர் குடியிருப்பில் இளைஞர் ஒருவரை ஒரு கும்பல் ஓட ஓட விரட்டி தலையை துண்டித்து படுகொலை செய்த சம்பவம் பரபரப்பை ஏற்படுத்தியுள்ளது. திருச்சி பீமநகர் செடல் மாரியம்மன் கோயில் கீழத்தெருவைச் சேர்ந்தவர் தாமரைச்செல்வன் (25).இவர் கன்ட்ரோல்மென்ட் பகுதியில் உள்ள தனியார்…

    போலி வாக்காளர்கள்…முதலமைச்சர் மு.க.ஸ்டாலின் எச்சரிக்கை!

    உங்கள் பகுதி வாக்காளர் பட்டியலில் போலி வாக்காளர்கள் பெயர் இடம் பெற்றிருக்கிறதா என்று ஆராயுங்கள். எஸ்ஐஆர் நடைமுறையின்போது வாக்காளர்கள் கவனமுடன் இருக்க வேண்டும் என்று முதலமைச்சர் மு.க.ஸ்டாலின் கூறினார். புதுக்கோட்டை மாவட்டம் கீரனூரில் ரூ.223 கோடி மதிப்பில் முடிவுற்ற 577 திட்டப்பணிகளை…

    Leave a Reply

    Your email address will not be published. Required fields are marked *