தமிழக சட்டப்பேரவை தேர்தல் 9முக்கிய கட்டுப்பாடுகள் -அர்ச்சனாபட்நாயக் அறிவிப்பு

தமிழக சட்டப்பேரவை தேர்தல்: பிரசாரத்திற்கான 9 முக்கிய கட்டுப்பாடுகள் – அர்ச்சனா பட்நாயக் அறிவிப்பு

சென்னை: தமிழகத்தில் ஏப்ரல் 23-ஆம் தேதி சட்டப்பேரவை தேர்தல் நடைபெற உள்ள நிலையில், தேர்தல் பிரசாரம் நிறைவடையும் தருணத்தில் பின்பற்ற வேண்டிய 9 முக்கிய விதிமுறைகளை தமிழக தலைமை தேர்தல் அதிகாரி அர்ச்சனா பட்நாயக் வெளியிட்டுள்ளார்.

தேர்தல் அமைதியாகவும், நேர்மையாகவும் நடப்பதை உறுதி செய்யும் வகையில் இந்த கட்டுப்பாடுகள் விதிக்கப்பட்டுள்ளன. அதன் முக்கிய அம்சங்கள் வருமாறு:

• பிரசார இறுதி கெடு: வாக்குப்பதிவு நிறைவடைவதற்கு 48 மணி நேரத்திற்கு முன்னதாகவே (நாளை 21/04/2026 மாலை முதல்) அனைத்து விதமான பொதுக்கூட்டங்கள் மற்றும் பிரசாரங்கள் நிறுத்தப்பட வேண்டும்.
• மதுபான விற்பனை தடை: தேர்தல் அமைதியாக நடைபெற ஏதுவாக, வாக்குப்பதிவு முடியும் வரை 48 மணி நேரத்திற்கு ‘உலர் தினமாக’ (Dry Days) அறிவிக்கப்பட்டுள்ளது. இந்த காலகட்டத்தில் மதுபான விற்பனைக்கு முழு தடை விதிக்கப்படுகிறது.
• வெளியூர் நபர்களுக்கு தடை: தொகுதிக்கு சம்பந்தமில்லாத வெளியூர் நபர்கள் மற்றும் அரசியல் கட்சி நிர்வாகிகள் உடனடியாக தொகுதியை விட்டு வெளியேற வேண்டும். திருமண மண்டபங்கள் மற்றும் தங்கும் விடுதிகளில் தீவிர சோதனை நடத்தப்படும்.
• ஊடக கட்டுப்பாடுகள்: தொலைக்காட்சி, வானொலி மற்றும் சமூக வலைதளங்கள் வாயிலாக தேர்தலை பாதிக்கும் வகையிலான எந்தவொரு கருத்துக் கணிப்புகளையோ அல்லது பிரசாரங்களையோ ஒளிபரப்பக் கூடாது.
• பாதுகாப்பு மற்றும் நடுநிலைமை: அனைத்து அரசியல் கட்சி வேட்பாளர்களுக்கும் சமமான பாதுகாப்பு வழங்க வேண்டும் என்று காவல் துறைக்கு அறிவுறுத்தப்பட்டுள்ளது.
• பெண் பணியாளர்களுக்கு சலுகை: தேர்தல் பணியில் ஈடுபடும் பெண் பணியாளர்களின் பாதுகாப்பைக் கருத்தில் கொண்டு, அவர்கள் வசிக்கும் அதே தொகுதி அல்லது அருகிலுள்ள தொகுதிகளிலேயே அவர்களுக்கு பணி ஒதுக்கீடு செய்ய நடவடிக்கை எடுக்கப்பட்டுள்ளது.

அறந்தாங்கி நிஷா பகீர் குற்றச்சாட்டு! ரியாலிட்டி ஷோவில் நடந்தது என்ன? –

இந்த விதிமுறைகளை மீறுபவர்கள் மீது மக்கள் பிரதிநிதித்துவ சட்டத்தின் கீழ் கடும் நடவடிக்கை எடுக்கப்படும் என தேர்தல் ஆணையம் எச்சரித்துள்ளது. 100 சதவீத வாக்குப்பதிவை உறுதி செய்ய பொதுமக்கள் அனைவரும் ஒத்துழைப்பு வழங்க வேண்டும் என்றும் அர்ச்சனா பட்நாயக் கேட்டுக்கொண்டுள்ளார்.