சென்னை: சென்னை தெற்கு ரயில்வே தலைமையகத்தில் ஓணம் பண்டிகை வெகு விமரிசையாகக் கொண்டாடப்பட்டது.
இந்நிகழ்ச்சியில் தெற்கு ரயில்வே பொது மேலாளர் சுப்பா ராவ், கூடுதல் பொது மேலாளர் விபின்குமார், பல்வேறு துறைத் தலைவர்கள், மூத்த அதிகாரிகள் மற்றும் பணியாளர்கள் திரளாகக் கலந்துகொண்டனர்.
அத்தப்பூக் கோலமும் பாரம்பரிய உடைகளும்: பண்டிகையை முன்னிட்டு தெற்கு ரயில்வே தலைமையகத்தின் பிரதான நுழைவாயில் மற்றும் உள்வளாகப் பகுதிகள் வண்ண மலர்களால் அலங்கரிக்கப்பட்டிருந்தன. குறிப்பாக, மகாபலி சக்கரவர்த்தியை வரவேற்கும் விதமாக பெண் ஊழியர்கள் இணைந்து அமைத்திருந்த பிரம்மாண்ட ‘அத்தப்பூக் கோலம்’ அனைவரின் கவனத்தையும் ஈர்த்தது.
அதிகாரிகள் மற்றும் ஊழியர்கள் அனைவரும் கேரள பாரம்பரிய உடைகளான கசவு புடவை மற்றும் முண்டு (வேட்டி) அணிந்து வந்து ஒருவருக்கொருவர் ஓணம் வாழ்த்துகளைப் பரிமாறிக்கொண்டனர்.
கலாசார நிகழ்ச்சிகள்: கேரள கலாசாரத்தை பிரதிபலிக்கும் வகையில், ஊழியர்களின் ஃபியூஷன் திருவாதிரை நடனம் மற்றும் ஓணம் குழுப் பாடல்கள் உள்ளிட்ட கலை நிகழ்ச்சிகள் நடைபெற்றன. ஒற்றுமை, செழிப்பு மற்றும் மகிழ்ச்சியை வெளிப்படுத்தும் விதமாக அனைவரும் இணைந்து பண்டிகையை உற்சாகமாகக் கொண்டாடி மகிழ்ந்தனர்.
More Stories
சாட்சியத்தை மட்டும் வைத்து மரண தண்டனை வழங்க முடியாது: போக்சோ வழக்கில் கைதானவரை விடுதலை செய்து மதுரை ஐகோர்ட் கிளை அதிரடி உத்தரவு!
5 தொகுதிகளில் இடைத்தேர்தல் தள்ளிப்போவது ஏன்? நீதிமன்ற வழக்குகள் குறித்து வெளியான தகவல்
மதநல்லிணக்க கந்தூரி விழா: அனைத்து சமூக குடும்பங்களுக்கும் வாளிகளில் நெய்ச்சோறு, கறிக்குழம்பு வழங்கி நெகிழ்ச்சி!