சேலம்: கோடை விடுமுறையை முன்னிட்டு பயணிகளின் கூட்ட நெரிசலைக் குறைக்கும் வகையில், ஈரோடு மற்றும் போத்தனூரில் இருந்து சேலம் வழியாக சென்னை சென்ட்ரல் ரயில் நிலையம் வரை சிறப்பு ரயில்கள் இயக்கப்படும் என்று ரயில்வே நிர்வாகம் அறிவித்துள்ளது.
இது குறித்து சேலம் ரயில்வே கோட்ட அலுவலகம் வெளியிட்டுள்ள செய்திக்குறிப்பில் கூறப்பட்டுள்ளதாவது:
ஈரோடு – சென்னை சென்ட்ரல் சிறப்பு ரயில் (வண்டி எண்: 06026): இந்த சிறப்பு ரயில் இன்று (வியாழக்கிழமை) காலை 9.20 மணிக்கு ஈரோட்டில் இருந்து புறப்பட்டு சேலம், மொரப்பூர், ஜோலார்பேட்டை மற்றும் காட்பாடி வழியாக மாலை 5 மணிக்கு சென்னை சென்ட்ரல் ரயில் நிலையத்தைச் சென்றடையும்.
சென்னை சென்ட்ரல் – போத்தனூர் சிறப்பு ரயில் (வண்டி எண்: 06025): மறுமார்க்கத்தில், சென்னை சென்ட்ரலில் இருந்து இன்று மாலை 6.45 மணிக்கு புறப்படும் இந்த ரயில் பெரம்பூர், அரக்கோணம், ஜோலார்பேட்டை, சேலம், ஈரோடு மற்றும் திருப்பூர் வழியாக மறுநாள் காலை 5.15 மணிக்கு போத்தனூரைச் சென்றடையும்.
கூடுதல் சேவைகள்: இதேபோல், போத்தனூர் – சென்னை சென்ட்ரல் சிறப்பு ரயில் (வண்டி எண்: 06028) மற்றும் சென்னை சென்ட்ரல் – போத்தனூர் சிறப்பு ரயில் (வண்டி எண்: 06027) ஆகிய ரயில்கள் வருகிற மே மாதம் 2 மற்றும் 3 ஆகிய தேதிகளிலும் மேற்கண்ட கால அட்டவணையின்படி இயங்கும் எனத் தெரிவிக்கப்பட்டுள்ளது.
கோடை கால பயணிகளின் வசதிக்காக அறிவிக்கப்பட்டுள்ள இந்த சிறப்பு ரயில் சேவையை பொதுமக்கள் பயன்படுத்திக் கொள்ளுமாறு கேட்டுக்கொள்ளப்படுகிறார்கள்.
More Stories
புதுச்சேரியில் இருந்து காரில் கடத்தி வந்த மது பாட்டில்கள் பறிமுதல்:
போதை மாத்திரையை தண்ணீரில் கரைத்து ஊசி மூலம் செலுத்திய 2 பேர் ஆபத்தான நிலையில் மருத்துவமனையில் அனுமதி..
பாலியல் தொல்லை கொடுத்த முதியவர் போக்சோவில் கைது…