வாட்ஸ்அப் குரூப்பில் ஆபாச வீடியோ பதிவிட்ட போலீஸ் எஸ்எஸ்ஐ சஸ்பெண்ட் செய்யப்பட்டார். திருச்சி காந்தி மார்க்கெட் காவல் நிலையத்தில் எஸ்எஸ்ஐயாக பணியாற்றி வருபவர் தஞ்சாவூரை சேர்ந்த செந்தாமரை கண்ணன்(56). சட்டமன்ற தேர்தலை முன்னிட்டு பாதுகாப்பு பணியிலிருந்த போலீசார், அரசு ஊழியர் இணைந்து, தகவல் பரிமாற்றம் உள்ளிட்ட விஷயத்திற்காக ‘‘வாட்ஸ்அப் குரூப்’ ஒன்று உருவாக்கியுள்ளனர். இந்த குரூப்பில் பெண்கள் குறித்த அவதூறான ஆபாச வீடியோ ஒன்று பரவியதாக கூறப்படுகிறது. இது அந்த குரூப்பில் பரபரப்பை ஏற்படுத்தியது.
தகவலறிந்த மாநகர போலீஸ் கமிஷனர் காமினி, ஆபாச வீடியோவை பரப்பியவர் யார் என விசாரணை நடத்த உத்தரவிட்டார். இதுதொடர்பாக மாநகர போலீசார் விசாரணை நடத்தியதில், அந்த வீடியோவை குரூப்பில் ஷேர் செய்தது எஸ்எஸ்ஐ செந்தாமரை கண்ணன் என்பது உறுதி செய்யப்பட்டது. இதையடுத்து அவரை சஸ்பெண்ட் செய்து கமிஷனர் காமினி நேற்று அதிரடி உத்தரவிட்டார்.
More Stories
பேரறிவாளனின் பாஸ்போர்ட் விண்ணப்பம்: 4 வாரங்களுக்குள் நடவடிக்கை எடுக்க உயர்நீதிமன்றம் உத்தரவு!
செஞ்சியில் மாயமான சிறுமி கடலூரில் சிக்கினாரா? கடைகளில் யாசகம் கேட்டதாகத் தகவல்!
நாகப்பட்டினம் – இலங்கை கப்பல் பயணத்திற்கு அதிரடி கட்டணக் குறைப்பு! 30 கிலோ வரை இலவச லக்கேஜ் – பயணிகளுக்கு பண்டிகை சலுகை