தேர்தல் திருவிழா 2026: தமிழகத்தில் வாக்குப்பதிவு 85 சதவீதத்தை தாண்டுமா? எதிர்பார்ப்பு!

சென்னை: தமிழக சட்டமன்றத் தேர்தல் களம் சூடுபிடித்துள்ள நிலையில், இந்த முறை மாநிலத்தின் ஒட்டுமொத்த வாக்குப்பதிவு 85 சதவீதத்தை தாண்டும் என்ற பலத்த எதிர்பார்ப்பு உருவாகியுள்ளது.

தேர்தல் ஆணையம் வெளியிட்டுள்ள சமீபத்திய புள்ளிவிவரங்களின்படி, தமிழகத்தின் மொத்த வாக்காளர்களின் எண்ணிக்கை 5 கோடியே 73 லட்சத்து 43 ஆயிரத்து 291 ஆக உள்ளது. இதில் பாலின வாரியான விவரங்கள் பின்வருமாறு:

• பெண்கள்: 2,93,04,905
• ஆண்கள்: 2,80,30,658
• மூன்றாம் பாலினத்தவர்: 7,728

ஆண்களை விட பெண் வாக்காளர்களின் எண்ணிக்கையே தமிழகத்தில் கணிசமாக உயர்ந்துள்ளது குறிப்பிடத்தக்கது.

வாக்கு சதவீதம் அதிகரிக்க வாய்ப்பு ஏன்?

வாக்காளர் பட்டியலில் மேற்கொள்ளப்பட்ட தூய்மைப்பணிகள் (S.I.R பணிகள்) தற்போது நிறைவடைந்துள்ளன. இதன் ஒரு பகுதியாக, இரட்டைப் பதிவு மற்றும் இடமாற்றம் போன்ற காரணங்களால் சுமார் 40 லட்சம் வாக்காளர்களின் பெயர்கள் பட்டியலிலிருந்து நீக்கப்பட்டுள்ளன. பட்டியல் முறைப்படுத்தப்பட்டுள்ளதால், வழக்கமாக வாக்களிக்கும் நபர்கள் இந்த முறையும் தங்களது ஜனநாயகக் கடமையை ஆற்ற முன்வரும் பட்சத்தில், தொழில்நுட்ப ரீதியாக வாக்குப்பதிவு சதவீதம் 85-ஐ எளிதில் கடக்கும் என அரசியல் நோக்கர்கள் கருதுகின்றனர்.

தமிழக சட்டப்பேரவைத் தேர்தல்: ஒரே கட்டமாக இன்று வாக்குப்பதிவு தொடங்கி விறுவிறுப்பாக நடைபெற்று வருகிறது!

தேர்தல் ஆணையத்தின் வேண்டுகோள்

வாக்குப்பதிவு சதவீதத்தை அதிகரிக்க பல்வேறு விழிப்புணர்வு நடவடிக்கைகளை தேர்தல் ஆணையம் முடுக்கிவிட்டுள்ளது. “ஜனநாயகத் திருவிழாவில் அனைவரும் பங்கேற்க வேண்டும்” என்ற இலக்கோடு, தகுதியுள்ள அனைத்து வாக்காளர்களும் தவறாமல் வந்து வாக்களிக்க வேண்டும் என தேர்தல் ஆணையம் தொடர்ந்து வேண்டுகோள் விடுத்து வருகிறது.

புதிய வாக்காளர்களின் வரவு மற்றும் பட்டியலைச் சீரமைத்திருப்பதன் விளைவாக, 2026 தேர்தல் தமிழக வரலாற்றில் ஒரு புதிய மைல்கல்லை எட்டுமா என்பதைப் பொறுத்திருந்துதான் பார்க்க வேண்டும்.