தமிழக அமைச்சர் துரைமுருகன் மருத்துவமனையில் அட்மிட்!

தமிழக அமைச்சர் துரைமுருகன் உடல்நலக்குறைவுகாரணமாக சென்னையில் மருத்துவமனையில் அனுமதிக்கப்பட்டுள்ளார்.

திமுக பொதுச்செயலாளராகவும், தமிழக நீர்வளத்துறை அமைச்சராகவும் இருப்பவர் துரைமுருகன்(87). வயது மூப்பு காரணமாக இவருக்கு அடிக்கடி உடல்நலக்குறைவு ஏற்பட்டு வருகிறது. இந்த நிலையில் நேற்று முன்தினம் துரைமுருகன் உடல்நலக்குறைவு காரணமாக சென்னை காது, மூக்கு, தொண்டை ஆராய்ச்சி மையத்தில் அனுமதிக்கப்பட்டுள்ளார்.

அவருக்கு காது வலி ஏற்பட்டதையடுத்து மருத்துவமனையில் அனுமதிக்கப்பட்டுள்ளதாக கூறப்படுகிறது. அங்கு, பல்நோக்கு மருத்துவக் குழுவினர், அவருக்கு சிகிச்சை அளித்து வருகின்றனர். அதன் பயனாக, அவரது உடல் நிலை சீரடைந்துள்ளது. இது வயது மூப்பு காரணமாக ஏற்படும் பாதிப்பு என மருத்துவர்கள் தெரிவித்தனர். துரைமுருகன் தற்போது நலமுடன் இருப்பதால், இன்று வீடு திரும்புவார் என்று  தெரிவிக்கப்பட்டுள்ளது.