பேசாதவனை தூக்கி வைக்கிறார்கள், பேசுபவனை தூக்கி எறிகிறார்கள்” – மறைமலைநகர் கூட்டத்தில் சீமான் பேச்சு!

சென்னை: “மக்களுக்காகப் பேசாதவர்களைத் தூக்கி வைத்துக் கொண்டாடும் இந்த சமூகம், மக்களுக்காகத் தொடர்ந்து குரல் கொடுப்பவர்களைத் தூக்கி எறிகிறது” என்று நாம் தமிழர் கட்சியின் தலைமை ஒருங்கிணைப்பாளர் சீமான் ஆதங்கத்துடன் பேசியுள்ளார்.

மறைமலைநகரில் நடைபெற்ற அக்கட்சியின் பொதுக்கூட்டம் ஒன்றில் கலந்துகொண்டு சீமான் பேசியதாவது:

அதிகாரம் நிலையானது அல்ல: “அதிகாரம் என்பது மிகவும் வலிமையானது; ஆனால், அது ஒருபோதும் நிலையானது அல்ல. வாழ்க்கையில் 7 அடி நீளம் முன்னோக்கித் தாண்ட வேண்டும் என்றால், நாம் 70 அடி பின்னோக்கிச் சென்றுதான் ஓடி வர வேண்டியுள்ளது. அதுபோல, மிக எளிதாகக் கிடைக்கக்கூடிய எந்தவொரு பொருளுக்கும் இங்கு மதிப்பு இருப்பதில்லை.

வெற்றி ஒன்றே எல்லை: நடைபெறவிருக்கும் நாடாளுமன்றத் தேர்தலில் நாம் தமிழர் கட்சி தனித்துப் போட்டியிட்டு 40 தொகுதிகளிலும் மகத்தான வெற்றி பெறும். வரும் காலத்தில் மக்கள் நம்மைத் தேடி வரும் நிலை நிச்சயம் உருவாகும். நமக்குத் தோல்வி என்ற ஒன்றே கிடையாது; வெற்றி ஒன்று மட்டும்தான் நமது எல்லையாக இருக்கும்.

சட்டமன்றத்திற்குள் வராதது நல்லதே: தேர்தலில் என்னை வெற்றி பெறச் செய்யாமல் சட்டமன்றத்திற்குள் விடாமல் செய்தது ஒருவகையில் நல்லதாகப் போயிற்று. நல்லவேளையாக நீங்கள் தப்பித்துக் கொண்டீர்கள். ஒருவேளை நான் மட்டும் உள்ளே சென்றிருந்தால், அங்குள்ள மற்ற அனைவரும் வெளியேதான் இருந்திருக்க வேண்டும். என் மீது பரிதாபப்பட்டு வாக்களிக்கவில்லையா அல்லது உங்கள் மீது பரிதாபப்பட்டு வாக்களித்தார்களா என்று தெரியவில்லை.

ஆட்சி மீதான விமர்சனம்: முதலமைச்சர் நாற்காலியில் அமர்ந்த பிறகுதான், தமிழ்நாட்டிற்கு இவ்வளவு கடன் சுமை இருப்பதே அவருக்குத் தெரிகிறது. தேர்தல் வாக்குறுதியில் அறிவித்தபடி, அந்த 6 இலவச சிலிண்டர்களை எப்படித் தரப் போகிறார்கள் என்று நானும் பார்க்கிறேன்.”

இவ்வாறு நாம் தமிழர் கட்சியின் தலைமை ஒருங்கிணைப்பாளர் சீமான் அக்கூட்டத்தில் பேசினார்.

மது வாங்க ஆதார் கார்டு வேண்டும்.. மதுரை மனமகிழ்மன்றத்தில் அதிரடி அறிவிப்