இந்திய ரயில்வேயில் பணியாளர்களை குறைக்க முடிவு: பயணிகள் பாதுகாப்பு குறித்த கவலை

புதுடெல்லி / சென்னை: இந்திய ரயில்வே நிர்வாகம் தனது ஒட்டுமொத்த பணியாளர்களின் எண்ணிக்கையில் 2 சதவீதத்தைக் குறைக்க அதிரடியாக முடிவெடுத்துள்ளது. செலவினங்களைக் குறைத்தல் மற்றும் நவீனமயமாக்கல் என்ற பெயரில் எடுக்கப்பட்டுள்ள இந்த நடவடிக்கை, ரயில்வே ஊழியர்கள் மற்றும் பயணிகளிடையே பெரும் விவாதத்தை ஏற்படுத்தியுள்ளது.

விஜய் பேச்சு: குழந்தைகளுக்கு உளவியல் ரீதியான பாதிப்பு ஏற்படுவதாக மாநகர காவல் ஆணையர் அலுவலகத்தில் புகார்

முக்கிய அம்சங்கள்:

• பணியிடக் குறைப்பு: தற்போது இந்திய ரயில்வேயில் சுமார் 14.80 லட்சம் பணியாளர்கள் பணியாற்றி வருகின்றனர். இதில் 2 சதவீத பணியிடங்களை (சுமார் 29,600 இடங்கள்) ‘சரண்டர்’ செய்ய ரயில்வே வாரியம் உத்தரவிட்டுள்ளதாகத் தெரிகிறது.
• பயணிகள் பாதுகாப்பு கேள்விக்குறி: புதிய ரயில்கள் மற்றும் வழித்தடங்கள் தொடர்ந்து அதிகரிக்கப்பட்டு வரும் நிலையில், பராமரிப்பு மற்றும் பாதுகாப்புப் பணிகளில் ஏற்கனவே ஆள் பற்றாக்குறை நிலவி வருகிறது. இச்சூழலில் எடுக்கப்பட்டுள்ள இந்த ஆட்குறைப்பு நடவடிக்கை, ரயில்களின் பாதுகாப்பு மற்றும் இயக்கத்தைச் சீர்குலைக்கக் கூடும் என ஓய்வுபெற்ற அதிகாரிகள் மற்றும் தொழிற்சங்கத்தினர் எச்சரிக்கின்றனர்.
• நிர்வாகத்தின் நிலைப்பாடு: தொழில்நுட்ப முன்னேற்றம் மற்றும் பணிகளை டிஜிட்டல் மயமாக்குவதன் மூலம் மனித உழைப்பின் தேவையைச் சீரமைக்கவே இந்த நடவடிக்கை எடுக்கப்படுவதாக நிர்வாகத் தரப்பில் கூறப்படுகிறது.

எதிர்ப்பும் கவலையும்:

தொடர்ச்சியாக அரங்கேறும் ரயில் விபத்துக்களுக்கு ஆள் பற்றாக்குறையே முக்கியக் காரணமாகக் கூறப்படும் நிலையில், இந்த முடிவு மேலும் அழுத்தத்தை உருவாக்கும் என அஞ்சப்படுகிறது. காலிப் பணியிடங்களை நிரப்புவதற்குப் பதிலாக, இருக்கும் பணியிடங்களையும் குறைப்பது ரயில்வேயின் எதிர்கால சேவைத் தரத்தைப் பாதிக்கும் என சமூக ஆர்வலர்கள் கருத்து தெரிவிக்கின்றன