தெற்கு ரயில்வேயின் மெகா பிளான்… முன்பதிவு இல்லாமலே நெல்லைக்கு போகலாம்…

கோடை விடுமுறை காரணமாக தென் மாவட்டங்களுக்கு செல்லும் பயணிகள் எண்ணிக்கை அதிகரித்துள்ள நிலையில், கூட்ட நெரிசலைக் குறைக்கும் முயற்சியாக தெற்கு ரயில்வே சிறப்பு ரயில் சேவையை அறிவித்துள்ளது. சென்னை – நெல்லை பாதையில் முன்பதிவு இல்லாத மெமு விரைவு ரயில் இயக்கப்படுவது குறிப்பிடத்தக்கது.

இந்த ரயில் சென்னை எழும்பூர் நிலையத்தில் இருந்து ஏப்ரல் 25ஆம் தேதி இரவு 11.50 மணிக்கு புறப்பட்டு, மறுநாள் காலை 10.45 மணிக்கு நெல்லையை சென்றடையும். நீண்ட தூர பயணிகளின் அவசர தேவையை கருத்தில் கொண்டு இந்த சேவை ஏற்பாடு செய்யப்பட்டுள்ளது.

திரும்பும் பயணமாக, நெல்லையில் இருந்து ஏப்ரல் 26ஆம் தேதி மதியம் 1.20 மணிக்கு புறப்படும் ரயில், இரவு 11.45 மணிக்கு தாம்பரத்தை வந்தடையும். இதனால் தென் மாவட்டங்களில் இருந்து சென்னை புறநகர் பகுதிகளுக்கு திரும்புவது எளிதாகிறது.

இந்த ரயில் தாம்பரம், செங்கல்பட்டு, விழுப்புரம், விருத்தாசலம், அரியலூர், ஸ்ரீரங்கம், திருச்சி, திண்டுக்கல், கொடைக்கானல் சாலை, மதுரை, விருதுநகர், சாத்தூர், கோவில்பட்டி உள்ளிட்ட நிலையங்களில் நின்று செல்லும். முன்பதிவு தேவையில்லாததால், திடீர் பயணங்களுக்கு இந்த சேவை மிகவும் உதவியாக இருக்கும். கோடை கால நெரிசலைக் குறைத்து, பயணத்தை சீராக மேற்கொள்ள உதவும் முக்கிய முயற்சியாக இது பார்க்கப்படுகிறது