Jio News Tamil2026ஆம் ஆண்டு நடைபெறவுள்ள தமிழக சட்டமன்றத் தேர்தலுக்காக, அதிமுக தனது முதற்கட்ட வேட்பாளர் பட்டியலை வெளியிட்டுள்ளது.
தற்போது, அக்கட்சி 23 வேட்பாளர்கள் அடங்கிய பட்டியலை முதலில் வெளியிட்டுள்ளது. இந்த பட்டியலில் பெரும்பாலானோர் முன்னாள் அமைச்சர்கள் மற்றும் மூத்த நிர்வாகிகளாக உள்ளனர்.
- எடப்பாடி கே. பழனிசாமி – எடப்பாடி (அதிமுக பொதுச்செயலாளர்)
- கே. பி. முனுசாமி – வேப்பனஹள்ளி (துணைப் பொதுச்செயலாளர்)
- திண்டுக்கல் சி. சீனிவாசன் – திண்டுக்கல் (அதிமுக பொருளாளர்)
- நத்தம் ஆர். விஸ்வநாதன் – நத்தம் (முன்னாள் அமைச்சர்)
- எஸ். பி. வேலுமணி – தொண்டாமுத்தூர் (முன்னாள் அமைச்சர்)
- பி. தங்கமணி – குமாரபாளையம் (முன்னாள் அமைச்சர்)
- டி. ஜெயக்குமார் – ராயபுரம் (முன்னாள் அமைச்சர்)
- சி. வி. சண்முகம் – மயிலம் முன்னாள் அமைச்சர் (விழுப்புரத்திலிருந்து மாற்றம்)
- செல்லூர் கே. ராஜு – மதுரை மேற்கு (முன்னாள் அமைச்சர்)
- சி. விஜயபாஸ்கர் – விராலிமலை (முன்னாள் அமைச்சர்)
- கே. பி. அன்பழகன் – பாலக்கோடு (முன்னாள் அமைச்சர்)
- ஓ. எஸ். மணியன் – வேதாரண்யம் (முன்னாள் அமைச்சர்)
முக்கிய வேட்பாளர்கள் மற்றும் தொகுதிகள் :-
முதற்கட்டமாக அறிவிக்கப்பட்ட 23 பேரில் 21 பேர் முன்னாள் அமைச்சர்கள். மக்களிடையே நன்கு அறிமுகமான முகங்களை நிறுத்தி வெற்றியை உறுதி செய்ய கட்சி தலைமை திட்டமிட்டுள்ளது.
கோட்டை மாறாத தலைவர்கள்: எடப்பாடி பழனிசாமி, எஸ்.பி. வேலுமணி, டி. ஜெயக்குமார் போன்ற முன்னணி தலைவர்கள் தங்களது செல்வாக்கு மிக்க தொகுதிகளிலேயே மீண்டும் போட்டியிடுகின்றனர்.
தொகுதி மாற்றம்: முன்னாள் அமைச்சர் சி.வி. சண்முகம் விழுப்புரம் தொகுதியிலிருந்து மாற்றப்பட்டு மயிலம், அதேபோல, தொகுதியில்ராஜபாளையத்தில் போட்டியிட்ட ராஜேந்திர பாலாஜி சிவகாசியிலும், போளூரில் போட்டியிட்ட அக்ரி கிருஷ்ணமூர்த்தி கலசப்பாக்கம் தொகுதியிலும் போட்டியிட உள்ளனர்.
தேர்தல் கூட்டணி நிலவரம்:
அதிமுக தலைமையிலான கூட்டணியில் (NDA) தொகுதிப் பங்கீடு இறுதியாகியுள்ளது:
- அதிமுக: 178 இடங்கள்
- பாஜக: 27 இடங்கள்
- பாமக: 18 இடங்கள்
- அமமுக: 11 இடங்கள் (தற்போது வரை)
மீதமுள்ள தொகுதிகளுக்கான வேட்பாளர் பட்டியலை அதிமுக அடுத்தடுத்த கட்டங்களாக வெளியிடும் என்று எதிர்பார்க்கப்படுகிறது.
