மதுரை வடக்கு தொகுதியை காங்கிரஸ் நிச்சயமாக கேட்கும் என்று காங்கிரஸ் எம்.பி மாணிக்கம் தாகூர் கூறியுள்ளார்.

மதுரை வடக்கு தொகுதியை கேட்போம்

மதுரை திருப்பரங்குன்றம் பகுதியில் விருதுநகர் நாடாளுமன்ற உறுப்பினரும், தமிழக காங்கிரஸ் கட்சியின் நிர்வாகியுமான மாணிக்கம் தாகூர் செய்தியாளர்களை சந்தித்தார்.

அப்போது பேசிய அவர், “எங்களைப் பொறுத்தவரை இந்தியா கூட்டணி என்பது நாடாளுமன்றத் தேர்தலுக்காக உருவாக்கப்பட்டது” என்று தெளிவுபடுத்தினார். தமிழகத்தில் திமுக – காங்கிரஸ் கூட்டணி தொடரும் என்ற உறுதியை அவர் வெளிப்படுத்தினார். மதுரை வடக்கு தொகுதியை காங்கிரஸ் நிச்சயமாக கேட்கும் என்றும், காங்கிரசுக்கு பூத்களில் நிர்வாகிகள் இல்லை என்ற கருத்தை ஏற்க முடியாது என்றும்  விளக்கமளித்தார்.

ஒட்டுமொத்தமாக, மாணிக்கம் தாகூரின் இந்த பேச்சு திமுக- காங்கிரஸ் கட்சிகளுக்கு இடையேயான நட்பை பாதிக்கும் வகையில் உள்ளதாக திமுகவினர் சிலர் குற்றம்சாட்டியுள்ளனர்.

கூட்டணி தொடருமா..?

அதேசமயம், தமிழகத்தில் திமுக – காங்கிரஸ் கூட்டணியின் வலிமையை மீண்டும் உறுதிப்படுத்தியுள்ளார்.

மேலும் மாணிக்கம் தாகூர், அதிமுக மற்றும் பாஜக தரப்பு விமர்சனங்களுக்கு கடுமையான பதிலடி கொடுத்துள்ளதும் குறிப்பிடத்தக்கது.