சார் படிவம் ஒப்படைக்க ஒருவாரம் கால ஆவகாசம் நீட்டிப்பு – காரணம் என்ன?

S.I.R வாக்காளர் படிவத்தை பூர்த்தி செய்து ஒப்படைக்க டிசம்பர் 11ம் தேதி வரை அவகாசம் நீட்டிக்கப்பட்டுள்ளது.

தமிழ்நாடு உள்ளிட்ட 12 மாநிலங்கள்/யூனியன் பிரதேசங்களில் நடைபெற்று வரும் வாக்காளர் பட்டியல்களின் சிறப்பு தீவிர திருத்தம் (SIR)-க்கான தேதிகளை ஒரு வாரம் நீட்டித்து இந்திய தேர்தல் ஆணையம் திருத்தப்பட்ட அட்டவணையை அறிவித்துள்ளது.

வரும் டிசம்பர் 4ம் தேதியுடன் முடிவடைய இருந்த கால அவகாசம் தற்போது டிசம்பர் 11ம் தேதி வரை நீட்டிக்கப்பட்டுள்ளது.

விண்ணப்பங்களே முழுமையாக விநியோகிக்கப்படாததை குறிப்பிட்டு, இந்த நடவடிக்கைக்கு கூடுதல் அவகாசம் வழங்கக் கோரி பல்வேறு தரப்பினரும் வலியுறுத்தி வந்தனர்.

ஆனால், கூடுதல் அவகாசம் வழங்கப்படமாட்டாது என கூறி வந்த தேர்தல் ஆணையம் இப்போது தாமாக முன்வந்து ஒருவார கால கூடுதல் அவகாசத்தை அறிவித்துள்ளது. என்பது குறிப்பிடத்தக்கது.

வரைவு வாக்காளர் பட்டியல் டிச.16ஆம் தேதியும் வாக்காளர் இறுதிப் பட்டியல் பிப்.14ஆம் தேதியும் வெளியாகும் என இந்திய தேர்தல் ஆணையம் தெரிவித்துள்ளது.

டிட்வா புயல், கனமழை உள்ளிட்ட காரணங்களால் பல வாக்காளர்கள் சார் படிவம் இன்னமும் பெறவில்லை என்று குற்றச்சாட்டு எழுந்து நிலையில், இந்திய தேர்தல் ஆணையம் ஒருவாரகாலம் அவகாசம் வழங்கியுள்ளது குறிப்பிடத்தக்கது.