திருப்பதியில் வைகுண்ட ஏகாதசி:ஒரே நாளில் 4.60 லட்சம் பக்தர்கள் முன்பதிவு

திருப்பதி ஏழுமலையான் கோயிலில் நடைபெறும் வைகுண்ட ஏகாதசி தரிசனத்திற்கு ஒரே நாளில் 4.60 லட்சம் பக்தர்கள் ஆன்லைனில் முன்பதிவு செய்துள்ளனர்.

ஆந்திரப் பிரதேசத்தில் உள்ள திருப்பதி ஏழுமலையான் கோயிலில் வைகுண்ட ஏகாதசி அன்று சொர்க்கவாசல் திறக்கப்பட்டு, பக்தர்கள் தரிசனம் செய்வார்கள். இந்த விழாவின் முக்கிய அம்சம், வைகுண்ட ஏகாதசி அன்று மட்டுமே திறக்கப்படும் வைகுண்ட துவாரம் வழியாகச் செல்வதாகும். இதன் மூலம் வீடுபேறு கிடைக்கும் என்று நம்பப்படுகிறது. இதன்படி திருப்பதி ஏழுமலையான கோயிலில் டிசம்பர் 30-ம் தேதி முதல் ஜனவரி 8-ம் தேதி வரை 10 நாட்கள் வைகுண்ட துவார தரிசனம் நடைபெற உள்ளது.

திருப்பதி வைகுண்ட ஏகாதசி விழாவின் முதல் மூன்று நாட்களான டிசம்பர் 30, 31 மற்றும் ஜனவரி 1 ஆகிய மூன்று நாட்கள் லக்கி டிப் முறையில் மட்டுமே ஆன்லைனில் தரிசன டிக்கெட் புக் செய்ய முடியும். மற்ற அனைத்து ஆன்லைன் தரிசனங்கள், சேவைகள் ஆகியவை ரத்து செய்யப்படுவதாக திருமலை திருப்பதி தேவஸ்தானம் ஏற்கெனவே அறிவித்துள்ளது.

அதன்படி வைகுண்ட ஏகாதசி முதல் 3 நாட்களுக்கு ஆன்லைனில் பதிவு செய்த பக்தர்கள் மட்டுமே தரிசனத்திற்கு அனுமதிக்கப்படுவார்கள். மீதமுள்ள 7 நாட்கள் நேரடி தரிசனம் வழங்கப்படுகிறது. நேற்று காலை 10 மணிக்கு ஆன்லைன் டிக்கெட் முன்பதிவு தொடங்கியது. ஒரு மணி நேரத்திற்குள் 2.16 லட்சம் பக்தர்கள் பதிவு செய்தனர். மாலைக்குள் மொத்தம் 4.60 லட்சம் பேர் பதிவு செய்தனர். டிசம்பர் 1-ம் தேதி வரை வாய்ப்பு இருப்பதால் இந்த எண்ணிக்கை மிகப்பெரியதாக இருக்கும் என்று எதிர்பார்க்கப்படுகிறது.

முன்பதிவு செய்யும் பக்தர்கள் தேர்வு செய்யப்பட்டு செல்போன் மூலம் தகவல் அனுப்பப்படும். அதன் அடிப்படையில் 3 நாட்கள் தரிசனம் செய்யலாம். மேலும் சிறப்பு நுழைவு தரிசனங்கள் மற்றும் ரூ 300 ஸ்ரீவாணி தரிசன டிக்கெட்டுகள் ஒதுக்கீடு டிசம்பர் 5-ம் தேதி ஆன்லைனில் வெளியிடப்படும். அன்றைய https://ttdevasthanams. ap. gov. in என்ற முகவரியில் பதிவு செய்யலாம்.

Related Posts

அரசு பேருந்துகள் மோதி கோர விபத்து – பலி எண்ணிக்கை 11ஐ தாண்டும் என தகவல்

சிவகங்கை மாவட்டம், திருப்பத்தூர் அருகே அரசுப் பேருந்துகள் நேருக்கு நேர் மோதிய விபத்தில் 11 பேர் உயிரிழந்தனர். கோர விபத்த சிவகங்கை மாவட்டம், திருப்பத்தூர் உட்கோட்டம், நாச்சியார்புரம் காவல் நிலையத்திற்குட்பட்ட விவேகனந்தா பாலிடெக்னிக் கல்லூரி அருகில் இந்த கோர விபத்து நடந்துள்ளது.…

மீண்டும் கவர்ச்சி நடனம் ஆடிய நடிகை மீனாட்சி சவுத்ரி – பாடல் செம வைரல்!

தெலுங்குவில் வெளியான “பீமாவரம் பல்மா” பாடலின் லிரிக்கல் வீடியோ வெளியாகி உள்ளது. அதில், மீனாட்சி சவுத்ரி ஆடிய நடன புகைப்படங்கள் இணையத்தில் வைரலாகி வருகிறது. பொங்கல் வெளியீடு! வரும் பொங்கல் பண்டிகை யொட்டி தெலுங்கு திரையுலகில் வெளியாக உள்ள “அனகனக ஓக…

Leave a Reply

Your email address will not be published. Required fields are marked *