நடுரோட்டில் பிளஸ் 2 மாணவி குத்திக்கொலை: ராமேஸ்வரத்தில் பரபரப்பு!

காதலிக்க மறுத்ததால் பிளஸ் 2 மாணவியை இளைஞர் கத்தியால் குத்திக் கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

ராமநாதபுரம் மாவட்டம், ராமேஸ்வரத்தை அடுத்த சேராங்கோட்டை பகுதியைச் சேர்ந்தவர் ஷாலினி(17). இவர் அதே பகுதியில் உள்ள பெண்கள் மேல்நிலைப்பள்ளியில் பிளஸ் 2 படித்து வந்துள்ளார். அவரை அதே பகுதியைச் சேர்ந்த முனியராஜ் என்ற இளைஞர் ஒரு தலையாக காதலித்துள்ளார். கல்லூரி படிப்பை முடித்து விட்டு வீட்டில் இருந்த முனியராஜ், பள்ளி செல்லும் ஷாலினியை பல மாதங்களாக தொடர்ந்து தனது காதலை சொல்ல முயன்றுள்ளார். ஆனால், இந்த காதலை மாணவி ஷாலினி ஏற்க மறுத்துள்ளார். ஆனால், தனது காதலை ஏற்குமாறு முனியராஜ் மாணவியிடம் வற்புறுத்தியுள்ளார். ஆனால், அதை ஷாலினி கண்டு கொள்ளாமல் பள்ளி சென்று வந்துள்ளார்.

இந்த நிலையில், இன்று (நவம்பர் 19) காலை வழக்கம் போல ஷாலினி பள்ளிக்குச் சென்றுள்ளார். அப்போது ஷாலினியை முனியராஜ் பின் தொடர்ந்து சென்று தன்னுடைய காதலை ஏற்கும்படி , மீண்டும் வற்புறுத்தியுள்ளார். ஆனால் ஷாலினி ஏற்க மறுத்ததால், ஆத்திரத்தில், தான் மறைத்து வைத்திருந்த கத்தியை எடுத்து குத்தியுள்ளார். அங்கிருந்து தப்ப முயன்ற மாணவியை விடாமல் துரத்திச் சென்று கத்தியால் முனியராஜ் வெட்டியுள்ளார். இதில் மாணவி ஷாலினி ரத்த வெள்ளத்தில் சரிந்து உயிரிழந்தார்.

இதைப் பார்த்து அதிர்ச்சியடைந்த பொதுமக்கள் உடனடியாக காவல்துறையினருக்கு தகவல் அளித்தனர. விரைந்து வந்த போலீஸார், ஷாலினி உடலை மீட்டு பிரேத பரிசோதனைக்கு அனுப்பி வைத்தனர். கடந்த 6 மாதங்களாக ஒருதலையாக காதலித்த முனியராஜ், ஷாலினியை தொடர்ந்து தனது காதலை ஏற்க வலியுறுத்தியது விசாரணையில் தெரிய வந்தது. தலைமறைவாக இருந்த முனியராஜை போலீஸார் கைது செய்துள்ளனர்.

பள்ளி சென்ற மாணவியை விடாமல் துரத்தி டார்ச்சர் செய்ததுடன், காதலை ஏற்க மறுத்ததால் அவரை கொடூரமாக கொலை செய்த முனியராஜீக்கு கடும் தண்டனை வழங்க வேண்டும் என்று அப்பகுதி மக்கள், ஜியோ நியூஸ் தமிழிடம் வலியுறுத்தியுள்ளனர். பட்டப்பகலில் மாணவி குத்திக் கொலை செய்யப்பட்ட சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

Related Posts

அரசு பேருந்துகள் மோதி கோர விபத்து – பலி எண்ணிக்கை 11ஐ தாண்டும் என தகவல்

சிவகங்கை மாவட்டம், திருப்பத்தூர் அருகே அரசுப் பேருந்துகள் நேருக்கு நேர் மோதிய விபத்தில் 11 பேர் உயிரிழந்தனர். கோர விபத்த சிவகங்கை மாவட்டம், திருப்பத்தூர் உட்கோட்டம், நாச்சியார்புரம் காவல் நிலையத்திற்குட்பட்ட விவேகனந்தா பாலிடெக்னிக் கல்லூரி அருகில் இந்த கோர விபத்து நடந்துள்ளது.…

மீண்டும் கவர்ச்சி நடனம் ஆடிய நடிகை மீனாட்சி சவுத்ரி – பாடல் செம வைரல்!

தெலுங்குவில் வெளியான “பீமாவரம் பல்மா” பாடலின் லிரிக்கல் வீடியோ வெளியாகி உள்ளது. அதில், மீனாட்சி சவுத்ரி ஆடிய நடன புகைப்படங்கள் இணையத்தில் வைரலாகி வருகிறது. பொங்கல் வெளியீடு! வரும் பொங்கல் பண்டிகை யொட்டி தெலுங்கு திரையுலகில் வெளியாக உள்ள “அனகனக ஓக…

Leave a Reply

Your email address will not be published. Required fields are marked *