News Update
சமையல் எரிவாயு வரி விதிப்பு சம்பந்தமாக பரவும் வதந்திகளை நம்ப வேண்டாம் என்று தமிழக அரசு கேட்டுக் கொண்டுள்ளது.
தமிழ்நாட்டில் சமையல் எரிவாயுக்கு 5 சதவீதம் தான் வரி விதிக்கிறது, ஆனால், மாநில அரசு 55 சதவீதம் வரி விதிக்கிறது என்று சமூக வலைதளங்களில் தகவல்கள் தீயாக பரவி வருகிறது. இந்த தகவலை தமிழக அரசு மறுத்துள்ளது. இது முற்றிலும் தவறான தகவல் என்று தமிழக அரசு சார்பில் விளக்கம் தெரிவிக்கப்பட்டுள்ளது.
இது தொடர்பாக தமிழக அரசின் தகவல் சரிபார்ப்பகம் வெளியிட்ட பதிவில், ‘சமையல் கியாஸ் ஜிஎஸ்டி வரியின் கீழ் வருகிறது. மத்திய, மாநில அரசு சார்பில் தலா 2.5 சதவீத வரி மட்டுமே சமையல் கியாஸ்க்கு விதிக்கப்படுகிறது. எனவே வதந்திகளை பரப்ப வேண்டாம்’ என்று கேட்டுக்கொள்ளப்பட்டுள்ளது.
