என் வீட்டுக்கு யாரும் வராதீங்க..!” – துணை சபாநாயகர் ரவிசங்கர் பேனரால் திருச்சியில் தவெக தொண்டர்கள் அதிர்ச்சி

திருச்சியில் சட்டப்பேரவை துணை சபாநாயகர் ரவிசங்கர் பெயரில் வைக்கப்பட்டுள்ள பேனர் ஒன்று அரசியல் வட்டாரத்திலும், தொண்டர்கள் மத்தியிலும் பெரும் பரபரப்பையும் அதிர்ச்சியையும் ஏற்படுத்தியுள்ளது.

பொதுவாக அரசியல் பிரமுகர்கள் மற்றும் மக்கள் பிரதிநிதிகளின் வீடுகள் மற்றும் அலுவலகங்களுக்குக் கட்சித் தொண்டர்கள் மற்றும் பொதுமக்கள் தங்கள் கோரிக்கைகள் மற்றும் தேவைகளுக்காக செல்வது வழக்கம். ஆனால், இதற்கு முற்றிலும் மாற்றாக, “என் வீட்டுக்கு யாரும் வராதீங்க..!” என்ற வாசகத்துடன் கூடிய பேனர் ஒன்று திருச்சியில் வைக்கப்பட்டுள்ளது.

சட்டப்பேரவை துணை சபாநாயகரான ரவிசங்கரின் பெயரில் இடம்பெற்றுள்ள இந்த அதிரடி வாசகம், தவெக தொண்டர்கள் மற்றும் பொதுமக்களிடையே கடும் அதிர்ச்சியை ஏற்படுத்தியுள்ளது. இவ்வளவு வெளிப்படையாக ஒரு மக்கள் பிரதிநிதி தன் வீட்டிற்கு யாரும் வர வேண்டாம் என்று குறிப்பிட்டு பேனர் வைத்துள்ள சம்பவம் தற்போது சமூக வலைதளங்களிலும் பேசுபொருளாகியுள்ளது.