Jio News Tamilநாடு முழுவதும் சமையல் எரிவாயு சிலிண்டர்களுக்கு மிகப்பெரிய அளவில் தட்டுப்பாடு ஏற்பட்டுள்ளது. அதேபோல், வணிக வகை பயன்பாட்டிற்கு பயன்படுத்தப்படும் எரிவாயு சிலிண்டர்களின் தட்டுப்பாட்டால், பல சிறு உணவகங்கள் தொடங்கி பெரும் உணவகங்கள் வரை பாதிக்கப்பட்டுள்ளது.
பெருமளவில் தட்டுப்பாடு
பாஜக அரசின் இதுக்கு சரியான முன்னெச்சரிக்கை நடவடிக்கை எடுக்கவில்லை என்ற குற்றச்சாட்டும் எழுந்துள்ளது . அந்தவகையில் திமுக நாடாளுமன்ற உறுப்பினர் கனிமொழி அவர்கள் தனது கண்டனத்தையும். கருத்தையும் எக்ஸ் தளத்தில் பதிவிட்டுள்ளார்.
விரைவாக செயல்பட வேண்டும்
அவர் கூறியுள்ளதாவது, “தமிழ்நாடு உட்பட தென்னிந்திய மாநிலங்களில் வணிக ரீதியான எல்பிஜி சிலிண்டர் விநியோகம் நிறுத்தப்பட்டது பொதுமக்களிடையே பரவலான கவலையைத் தூண்டியுள்ளது. பெட்ரோல் போன்ற எரிபொருட்களுக்கு பற்றாக்குறை ஏற்படக்கூடும் என்ற அறிக்கைகள் இந்த கவலைகளை மேலும் ஆழப்படுத்தியுள்ளன.
கோவிட்-19 தொற்றுநோயின் உச்சக்கட்டத்தின் போது இதேபோன்ற ஒரு போக்கு காணப்பட்டது, அப்போது மத்திய பாஜக அரசின் தாமதமான மற்றும் போதுமான நடவடிக்கையின்மையால் சாதாரண மக்கள் நெருக்கடியின் சுமையைத் தாங்க வேண்டியிருந்தது.
நிலைமையின் தீவிரத்தைக் கருத்தில் கொண்டு, மத்திய அரசு இந்தப் பிரச்சினையைத் தீர்க்க விரைவாகச் செயல்பட வேண்டும், மேலும் மக்களின் வாழ்வாதாரத்தையும் பரந்த பொருளாதாரத்தையும் பாதிக்கக்கூடிய இடையூறுகளைத் தடுக்க பயனுள்ள நடவடிக்கைகளை எடுக்க வேண்டும்” என்று தெரிவித்துள்ளார்.
