முதல்வர் விஜய்யுடன் கமல்ஹாசன் திடீர் சந்திப்பு..

தமிழ்நாட்டை மேம்படுத்தும் பல கனவுகளை உற்சாகத்துடன் பகிர்ந்துகொண்டார். சந்திப்பின்போது அவர் காட்டிய பண்பும் அன்பும் நெகிழ்ச்சியளித்தது என முதல்வர் விஜயை சந்தித்தது குறித்து நடிகரும் மநீம தலைவருமான கமல்ஹாசன் தெரிவித்துள்ளார்.

முதலமைச்சராக விஜய் பதவியேற்று சில நாட்கள் ஆகிவிட்டது. ஒருபக்கம் அவருக்கு வாழ்த்துக்கள் குவிந்து வரும் நிலையில் மறுபக்கம் சில விமர்சனங்களும் முன் வைக்கப்பட்டு வருகின்றன. எதிர்க்கட்சியை சேர்ந்தவர்கள் தற்போதே தவெக அரசை விமர்சனம் செய்ய துவங்கியிருக்கின்றனர். அதுமட்டுமல்லாமல் குதிரை பேரம் உட்பட சில குற்றச்சாட்டுகளையும் அவர்கள் முன் வைத்து வருகின்றனர். ஆனாலும் முதலமைச்சர் விஜய் பரபரப்பாக தன் பணிகளை மேற்கொண்டு வருகின்றார்.

தற்போது தவெக அமைச்சரையில் இடம்பெறுவோர்களை அறிவித்துள்ளார் முதல்வர் விஜய். இதற்கிடையில் திமுக கூட்டணியில் தொடரும் மக்கள் நீதி மய்யம் கட்சித்தலைவர் கமல்ஹாசன் முதலமைச்சர் விஜய்யை நேரில் சந்தித்து தன் வாழ்த்தினை தெரிவித்து இருக்கின்றார். கடந்த சில நாட்களாக அமெரிக்காவில் இருந்த கமல்ஹாசன் சமீபத்தில் தான் சென்னை திரும்பினார்.

சென்னை திரும்ப கையோடு முன்னாள் முதலமைச்சரும் திமுகதலைவருமான முக ஸ்டாலினை அவரது இல்லத்தில் சந்தித்தார் கமல். அதனைத்தொடர்ந்து தற்போது முதலமைச்சர் விஜய்யை சந்தித்து தன் வாழ்த்தினை தெரிவித்தார். அதுமட்டுமல்லாமல் சில முக்கியமான கோரிக்கைகளையும் விஜய் முன் வைத்திருப்பதாக கமல்ஹாசன் தனது சோஷியல் மீடியா பக்கத்தில் தெரிவித்து இருக்கின்றார்.

இதுகுறித்து அவர் பதிவிட்டவாறு, மாண்புமிகு தமிழ்நாடு முதலமைச்சர் விஜய் அவர்களை நேரில் சந்தித்து என் வாழ்த்தினை தெரிவித்தேன். தமிழ்நாட்டை மேம்படுத்தும் பல கனவுகளை என்னிடம் உற்சாகமாக பகிர்ந்துகொண்டார். சந்திப்பின் போது அவர் காட்டிய பண்பும் அன்பும் என்னை நெகிழ்ச்சியடைய செய்தது.

பல்வேறு இடையூறுகளை சந்தித்து வரும் தமிழ் திரைப்படத்துறைக்கு தமிழ்நாடு அரசின் ஆதரவும் அரவணைப்பும் வேண்டும் என அவரிடம் வலியுறுத்தினேன். அதனுடன் ஆறு முக்கியமான கோரிக்கைகளை அவரிடம் கொடுத்துள்ளேன். நன்மை மலரட்டும் என பதிவிட்டு இருக்கின்றார் மக்கள் நீதி மய்யம் கட்சி தலைவர் கமல்ஹாசன்.

இந்நிலையில் கமல்ஹாசனின் இந்த சந்திப்பு குறித்து மக்கள் சோஷியல் மீடியாவில் தங்களின் கருத்துக்களை கூறி வருகின்றனர். என்னதான் கமல்ஹாசன் திமுக கூட்டணியில் தொடர்ந்தாலும் முதலமைச்சர் விஜய்யை சந்தித்து தன் வாழ்த்துக்களை தெரிவித்ததற்கு மக்கள் தங்களின் பாராட்டுகளை தெரிவித்து வருகின்றனர்.

என்னதான் கருத்து முரண்கள் இருந்தாலும் கமலின் பண்பு மிகப்பெரியது என அவரை பாராட்டி வருகின்றனர். மேலும் சினிமா துறையை மேன்படுத்த மக்கள் நீதி மய்யம் கட்சித்தலைவர் கமல்ஹாசன் சில கோரிக்கைகளையும் முன் வைத்து இருக்கின்றார். முதலமைச்சர் விஜய்யும் சினிமா துறையை சார்ந்தவர் தான் என்பதால் அந்த கோரிக்கைகளை எல்லாம் நிறைவேற்றி தருவார் என எதிர்பார்க்கப்படுகின்றது.

ஏற்கனவே கமல்ஹாசன், தன் துறையை சேர்ந்தவர் வெற்றிபெற்று இருப்பதால் மகிழ்ச்சி என்பது போல கூறியிருந்தார். விஜய்யும் தன் திரைத்துறை வாழ்க்கையில் பல கஷ்டங்களையும் போராட்டங்களையும் கடந்து தான் வந்துள்ளார். என்னதான் அவர் ஒரு நடிகராக சினிமா துறையில் பயணித்தாலும் தயாரிப்பாளர்கள் மற்றும் இதர கலைஞர்களின் போராட்டம் அவருக்கு தெரியும். எனவே கமல்ஹாசனின் கோரிக்கைகளை அவர் நிறைவேற்றி கொடுப்பார் என்ற நம்பிக்கை அனைவரிடத்திலும் உள்ளது.

இதற்கிடையில் சினிமா துறையை சார்ந்த பெரும்பாலானோர் முதலமைச்சர் விஜய்க்கு தன் வாழ்த்துக்களை தெரிவித்து வருகின்றனர். பலர் முதலமைச்சர் விஜய் அவர்களுக்கு ஆதரவு தெரிவித்ததும் குறிப்பிடத்தக்கது

ஆயுதப்படை தலைமையகத்தில் அலுவலக உதவியாளரை தாக்கிய பெண் டிஐஜி: