நடிகர்கள் விஜய் சேதுபதி, அரவிந்த் சாமி நடிப்பில் வசனங்களே இல்லாத மவுன படமாக உருவாகியுள்ள, ‘காந்தி டாக்கீஸ்’ திரைப்படத்தின் டீசர் வெளியாகியுள்ளது.
காந்தி நினைவு தினமான வரும் 30ஆம் தேதி உலகளவில் வெளியாகிறது ‘காந்தி டாக்ஸ்’ என்னும் திரைப்படம் வெளியாகிறது.
மணிரத்னம் இயக்கிய ‘செக்க சிவந்த வானம்’ படத்தில் விஜய் சேதுபதி, அரவிந்த் சாமி, அதிதி ராவ் நடித்திருந்தனர். இதன்பின்னர் இந்த மூவரின் கூட்டணி இணைந்துள்ள படம் ‘காந்தி டாக்ஸ்’. வசனங்கள் எதுவுமின்றி மெளனப் படமாக உருவாகியுள்ள காந்தி டாக்ஸ், டார்க் காமெடி ஜானரில் இருக்கும் என படக்குழு தெரிவித்துள்ளது.
கிஷோர் பி. பெல்லேக்கர் இயக்கியுள்ள ‘காந்தி டாக்ஸ்’ படத்தை ஜீ ஸ்டூடியோஸ் தயாரித்துள்ளது. இசைப்புயல் ஏ.ஆர்.ரகுமான் இப்படத்திற்கு இசையமைத்துள்ளார்.
சில மாதங்களுக்கு முன் வெளியான இப்படத்தின் போஸ்டர்கள் ரசிகர்களிடையே வரவேற்பை பெற்றது.
டீசர் வெளியானது
மேலும், ‘காந்தி டாக்ஸ்’ படம் காந்தி நினைவுதினமான வரும் 30-ஆம் தேதி உலகளவில் வெளியாக உள்ளதாக படக்குழு அறிவித்தது. இந்நிலையில், காந்தி டாக்ஸ் படத்தின் அதிகாரப்பூர்வ டீசர் இன்று வெளியாகியுள்ளது.
