Jio News Tamilவிஜய் தலைமையிலான தமிழக வெற்றிக் கழகம் கட்சிக்கு, இந்தியத் தேர்தல் ஆணையம் ‘விசில்’ சின்னத்தை ஒதுக்கியுள்ளது.
சமீபத்தில் வெளியான அதிகாரப்பூர்வ அறிவிப்பின்படி, 2026 ஆம் ஆண்டு நடைபெறவுள்ள தமிழ்நாடு மற்றும் புதுச்சேரி சட்டமன்றத் தேர்தல்களில் தவெக கட்சி “விசில்” சின்னம் வழங்கப்பட்டுள்ளது.
பின்னணி: தவெக தரப்பில் தேர்தல் ஆணையத்திடம் விசில், ஆட்டோ, மடிக்கணினி உள்ளிட்ட 10 விருப்பச் சின்னங்கள் சமர்ப்பிக்கப்பட்டன. இறுதியில், ‘விசில்’ சின்னத்தை ஆணையம் ஒதுக்கியது.
புதுச்சேரி களம்:
தவெக தலைவர் விஜய், புதுச்சேரியிலும் தனது கட்சி போட்டியிடும் என்பதை டிசம்பர் 2025-ல் நடைபெற்ற பொதுக்கூட்டத்தில் அதிகாரப்பூர்வமாக அறிவித்தார். எனவே, புதுச்சேரியிலும் அக்கட்சியின் வேட்பாளர்கள் விசில் சின்னத்திலேயே போட்டியிடுவார்கள்.
ஏன் இந்தச் சின்னம்?
விஜய் தனது சமூக வலைதளப் பதிவில், “விசில் என்பது மகிழ்ச்சியின் ஒலி, இது சாமானிய மக்களின் கொண்டாட்டங்களுடன் தொடர்புடையது” என்று இந்தச் சின்னம் குறித்து மகிழ்ச்சி தெரிவித்துள்ளார்.
Manoj
