வங்கக்கடலில் மீண்டும் உருவாகும் காற்றழுத்தத் தாழ்வுப் பகுதி! நவம்பர் 13-ல் வானிலை மாற்றம் ஏற்பட வாய்ப்பு!

சென்னை: தமிழகத்தில் வடகிழக்குப் பருவமழை தீவிரமடைந்து வரும் நிலையில், தென்கிழக்கு வங்கக்கடல் பகுதியில் வரும் நவம்பர் 13-ஆம் தேதி புதிய காற்றழுத்தத் தாழ்வுப் பகுதி உருவாக வாய்ப்புள்ளதாக வானிலை ஆய்வு மையம் தெரிவித்துள்ளது.

தற்வங்கக்கடலில் மீண்டும் உருவாகும் காற்றழுத்தத் தாழ்வுப் பகுதி! நவம்பர் 13-ல் வானிலை மாற்றம் ஏற்பட வாய்ப்பு!

போது தமிழகத்தின் பல்வேறு மாவட்டங்களில் வடகிழக்குப் பருவமழை பெய்து வருகிறது. இதற்கிடையே, அரபிக்கடல் பகுதியில் நிலவும் வளிமண்டல சுழற்சி மற்றும் காற்றழுத்தத் தாழ்வுப்பாதை காரணமாக தமிழகத்தில் அடுத்த ஏழு நாட்களுக்கு மழை பெய்ய வாய்ப்புள்ளதாக வானிலை ஆய்வு மையம் ஏற்கனவே தெரிவித்திருந்தது.

இந்தச் சூழலில், தென்கிழக்கு வங்கக்கடல் மற்றும் அதனை ஒட்டிய அந்தமான் கடல் பகுதிகளில் நிலவும் வளிமண்டல மேலடுக்கு சுழற்சியின் தாக்கத்தால் நவம்பர் 13-ஆம் தேதி புதிய குறைந்த காற்றழுத்தத் தாழ்வுப் பகுதி உருவாகக்கூடும் என எதிர்பார்க்கப்படுகிறது.

மேலும், இந்தக் காற்றழுத்தத் தாழ்வுப் பகுதி நவம்பர் 15-ஆம் தேதி வாக்கில் வலுப்பெற வாய்ப்புள்ளதாகவும் தகவல்கள் தெரிவிக்கின்றன.

தமிழகத்தில் மழை அதிகரிக்குமா?

ஏற்கனவே வடகிழக்குப் பருவமழை காரணமாக தமிழகத்தின் பல்வேறு பகுதிகளில் மழை பெய்து வரும் நிலையில், வங்கக்கடலில் உருவாக உள்ள புதிய காற்றழுத்தத் தாழ்வுப் பகுதியின் நகர்வு மற்றும் வலிமையைப் பொறுத்து அடுத்தடுத்த நாட்களில் மழையின் தாக்கம் குறித்து தெரியவரும்.