சுங்கச்சாவடிகளில் இனி ரொக்கப் பணம் கிடையாது : கட்டணம் உயர வாய்ப்பு?

வரும் ஏப்ரல் 1 முதல் இந்தியாவின் தேசிய நெடுஞ்சாலைகளில் உள்ள சுங்கச்சாவடிகளில் மிக முக்கியமான மாற்றங்களைக் கொண்டு வர இந்திய தேசிய நெடுஞ்சாலை ஆணையம் (NHAI) திட்டமிட்டுள்ளது.

புதிய நடைமுறைகள்:-

இனி ரொக்கப் பணம் கிடையாது

வரும் ஏப்ரல் 1ம் தேதி முதல் சுங்கச்சாவடிகளில் ரொக்கப் பணம் வாங்கும் முறை முற்றிலுமாக நிறுத்தப்பட உள்ளது. பயணிகள் அனைவரும் இனி FASTag அல்லது UPI போன்ற டிஜிட்டல் முறைகளில் மட்டுமே கட்டணம் செலுத்த முடியும்.

நோக்கம்: சுங்கச்சாவடிகளில் காத்திருப்பு நேரத்தைக் குறைக்கவும், போக்குவரத்து நெரிசலைத் தவிர்க்கவும் இந்த முடிவு எடுக்கப்பட்டுள்ளது.
தற்போதைய அபராதம்: தற்போது FASTag இல்லாமல் பணமாகச் செலுத்தினால் இரண்டு மடங்கு கட்டணம் வசூலிக்கப்படுகிறது. இனி அந்த ‘கேஷ் கவுண்டர்’களே இருக்காது என்பதால் டிஜிட்டல் முறை கட்டாயமாகிறது.

கட்டண உயர்வு..?

ஒவ்வொரு ஆண்டும் ஏப்ரல் 1 முதல் சுங்கக் கட்டணம் உயர்த்தப்படுவது வழக்கம். அந்த வகையில், ஏப்ரல் 1 முதல் தமிழ்நாட்டில் உள்ள சுமார் 40-க்கும் மேற்பட்ட சுங்கச்சாவடிகளில் கட்டணம் உயர வாய்ப்புள்ளது.