Jio News Tamilநடிகர் விஜய் தலைமையிலான தமிழக வெற்றிக் கழகம் (தவெக) கட்சிக்கு இந்தியத் தேர்தல் ஆணையம் “விசில்” (Whistle) சின்னத்தை ஒதுக்கியுள்ளது.
சமீபத்தில் வெளியான தகவலின்படி, 2026 தமிழக சட்டமன்றத் தேர்தலுக்காக தவெக கட்சிக்கு இந்தச் சின்னம் பொதுச் சின்னமாக வழங்கப்பட்டுள்ளது.
10 சின்னங்களை அனுப்பிய ‘தவெக’
தவெக தரப்பில் தேர்தல் ஆணையத்திடம் சுமார் 10 சின்னங்கள் அடங்கிய பட்டியல் வழங்கப்பட்டது. அதில் விசில், ஆட்டோ, மைக் போன்ற சின்னங்கள் இடம் பெற்றிருந்தன.
இதில் தவெக-வின் முதல் விருப்பமாக இருந்த ‘விசில்’ சின்னத்தையே தேர்தல் ஆணையம் அக்கட்சிக்கு ஒதுக்கியுள்ளது.
நடிகர் விஜய்யின் ‘பிகில்’ திரைப்படத்தில் விசில் ஒரு முக்கிய அடையாளமாக இருந்ததால், இது தொண்டர்களிடையே எளிதில் சென்றடையும் என
எதிர்பார்க்கப்படுகிறது.
நிரந்தரமான சின்னம் கிடையாது.?
தவெக தற்போது ஒரு பதிவு செய்யப்பட்ட கட்சி என்றாலும், அது அங்கீகரிக்கப்படாத கட்சி. இதனால், இந்தச் சின்னம் 2026 சட்டமன்றத் தேர்தலுக்கு மட்டுமே தற்காலிகமாக ஒதுக்கப்பட்டுள்ளது.
இந்தத் தேர்தலில் கட்சி ஒரு குறிப்பிட்ட சதவீத வாக்குகளை (சுமார் 6%) அல்லது இடங்களை வென்று ‘மாநிலக் கட்சி’ அந்தஸ்தைப் பெற்றால், எதிர்காலத்தில் இந்தச் சின்னத்தையே நிரந்தரச் சின்னமாகப் பெற முடியும்.
கமலுக்கு மீண்டும் ‘டார்ச் லைட்’
இதே சமயத்தில், கமல்ஹாசனின் மக்கள் நீதி மய்யம் கட்சிக்கு மீண்டும் ‘டார்ச் லைட்’ சின்னம் ஒதுக்கப்பட்டுள்ளது.
நாம் தமிழர் கட்சிக்கு கடந்த தேர்தலில் ஒதுக்கப்பட்ட மைக் சின்னத்தை இந்தியத் தேர்தல் ஆணையம் இன்னும் உறுதி செய்யவில்லை.
Manoj
