News Update
தென்காசியில் இரண்டு தனியார் பஸ்கள் நேருக்கு நேர் மோதிய விபத்தில் 5 பெண்கள் உள்பட 8 பேர் பரிதாபமாக உயிரிழந்தனர். மேலும் 40 பேர் மருத்துவமனையில் அனுமதிக்கப்பட்டுள்ளனர்.
தென்காசி மாவட்டம், கடையநல்லூருக்கு அருகே உள்ள இடைகால் பகுதியில் இன்று (நவம்பர் 24) செங்கோட்டை-திருநெல்வேலி தேசிய நெடுஞ்சாலையில் இரண்டு தனியார் பஸ்கள் நேருக்கு நேர் மோதி விபத்து ஏற்பட்டது. இந்த விபத்தில் 8 பேர் பரிதாபமாக உயிரிழந்தனர். இதில் 5 பெண்கள், 3 ஆண்கள் என்பது தெரிய வந்துள்ளது.
இந்த விபத்து நடந்தவுடன் அப்பகுதி மக்களும், போக்குவரத்து போலீஸாரும் விரைந்து மீட்பு பணியில் ஈடுபட்டனர். காயமடைந்த 40 பயணிகளை மீட்டு 108 ஆம்புலன்ஸ் வாகனங்கள் மூலம் தென்காசி, கடையநல்லூர், செங்கோட்டை, திருநெல்வேலி அரசு மருத்துவமனைகளுக்கு உடனடியாக அனுப்பி வைக்கப்பட்டனர்.
இதில் 20-க்கும் மேற்பட்டோர் பலத்த காயமடைந்து தீவிர சிகிச்சைப் பிரிவில் அனுமதிக்கப்பட்டுள்ளனர். காயமடைந்தவர்களில் சிலரது நிலைமை கவலைக்கிடமாக இருப்பதாகவும் தெரிகிறது. இதனால் உயிரிழப்பு எண்ணிக்கை அதிகரிக்கும் என்று அஞ்சப்படுகிறது. தெரிவித்துள்ளனர். விபத்துக்கான முக்கிய காரணம் அதிவேகம் மற்றும் ஓட்டுநரின் தூக்கக் கலக்கம் என்று முதற்கட்ட விசாரணையில் தெரியவந்துள்ளது. விபத்து குறித்து போலீஸார் வழக்குப்பதிவு செய்து விசாரணை நடத்தி வருகின்றனர்.
News Update