News Update
சட்டமன்ற தேர்தலுக்காக பொதுச்சின்னம் கோரி தேர்தல் ஆணையத்தில் தமிழக வெற்றிக்கழகம் சார்பில் மனு அளிக்கப்பட்டுள்ளது.
தமிழ்நாட்டில் அடுத்த ஆண்டு சட்டமன்றத் தேர்தல் நடைபெற உள்ளது. இந்த நிலையில், தேர்தலில் போட்டியிடுவதற்கு பொதுச்சின்னம் ஒதுக்கக்கோரி இந்திய தேர்தல் ஆணையத்திடம் இன்று (நவம்பர் 11) தமிழக வெற்றிக் கழகம் மனு அளித்துள்ளது. அக்கட்சியின் இணை பொதுச்செயலாளர் சி.டி.ஆர். நிர்மல் குமார், மாநில நிர்வாகிகள் புஷ்பவனம் குப்புசாமி, அர்ஜுனமூர்த்தி, விஜயபிரபாகரன் உள்ளிட்டோர் டெல்லியில் உள்ள தலைமைத் தேர்தல் ஆணையர் அலுவலகத்திற்கு நேரில் சென்று மனுவை தலைமைத் தேர்தல் ஆணையர் ராஜீவ் குமார் மற்றும் ஆணையர்களிடம் நேரடியாக வழங்கினர். இந்த மனுவில், 10 விருப்ப சின்னங்களின் பட்டியல் சமர்ப்பிக்கப்பட்டுள்ளது.
மேலும் “கட்சி 07.02.2025 அன்று பதிவு செய்யப்பட்டு, மாநிலக் கட்சி அந்தஸ்து பெறும் நடைமுறைகள் நிறைவடைந்துள்ளன. 234 தொகுதிகளிலும் போட்டியிட தயாராக உள்ளதால், பொதுச் சின்னம் உடனடியாக ஒதுக்கீடு செய்ய வேண்டும்” என்று தேர்தல் ஆணையத்திடம் தமிழக வெற்றிக் கழகம் கோரிக்கை விடுத்துள்ளது.
தேர்தல் ஆணைய விதிகளின்படி, புதிய கட்சிகளுக்கு முதல் தேர்தலில் பொது சின்னம் ஒதுக்கீடு செய்ய முன்கூட்டியே விண்ணப்பிக்க வேண்டும். அதன்படி தவெக முதல் கட்சியாக நவம்பர் மாதத்திலேயே மனு அளித்துள்ளது குறிப்பிடத்தக்கது.
